நடிகை நமீதா தன்னுடைய பிறந்த நாளையொட்டி திருப்பதி கோயிலுக்கு சென்று சாமி தரிசனம் செய்திருக்கிறார்.
‘எங்கள் அண்ணா’ படம் மூலம் தமிழில் நடிகையாக அறிமுகமானவர் நமீதா. இப்படத்தை தொடர்ந்து ‘ஏய்’, ‘இங்கிலீஷ்காரன்’, ‘சாணக்கியா’ ஆகிய படங்களில் நடித்து பிரபலமானார்.
தொடர்ந்து பல படங்களில் நடித்து வந்த இவர், உடல் எடை கூடியதால் சிறிது காலம் நடிப்புக்கு முழுக்கு போட்டிருந்தார். மேலும் தொலைக்காட்சி நிகழ்ச்சிகளில் பங்கேற்று வந்தார்.
தற்போது உடல் எடையை குறைத்து மீண்டும் நடிக்க ஆரம்பித்திருக்கிறார். ‘பொட்டு’ என்னும் திகில் படத்தில் நமீதா நடித்து வருகிறார். இப்படத்தின் படப்பிடிப்பு விறுவிறுப்பாக நடந்து வருகிறது. மேலும் சமீபத்தில் ஜெயலலிதா மீது கொண்ட ஈடுபாட்டின் காரணமாக திருச்சியில் நடந்த பொதுக்கூட்டத்தில் அ.தி.மு.க.வில் இணைந்தார்.
இன்று தன்னுடைய பிறந்த நாளை முன்னிட்டு திருப்பதியில் சாமி தரிசனம் செய்திருக்கிறார். நேற்றே திருப்பதிக்கு சென்ற இவர் இன்று காலை பெருமாளை தரிசனம் செய்து விட்டு வந்திருக்கிறார்.
இது ஒருபக்கம் இருக்க, மீண்டும் தமிழகத்தில் ஜெயலலிதா ஆட்சி அமைய வேண்டும் என்ற எண்ணத்தில் சிறப்பு பிரார்த்தனை நடத்தியதாகவும் கூறப்படுகிறது.
